Украинските воздухопловни сили и првенствено западните авиони F-16 и Mirage 2000 добија пристапни кодови до системот за комуникација и интеграција на НАТО, познат како Link 16.
Украинските авиони ќе бидат опремени со системскиот интерфејс CRC, кој ќе овозможи координација и контрола помеѓу украинските борбени авиони, како и помеѓу украинските и авионите на НАТО.
CRC е најсеопфатниот канал за податоци на НАТО, кој поддржува размена на информации во реално време помеѓу различни елементи на команда и контрола.
Покрај размената на информации помеѓу авионите, пренос на податоци е можен и помеѓу воените бродови. Во пракса, ова ќе значи дека украинските авиони ќе бидат поврзани со сите радарски системи на НАТО и на копно и на море.
Исто така, пристапот до Link 16 ќе ѝ овозможи на украинската воздушна одбрана, која користи западни системи, да таргетира и уништува непријателски авиони и крстосувачки ракети на подолги растојанија.
Од особена важност е улогата на шведскиот авион AWACS Saab 340, кој, како авион за рано предупредување, ќе дејствува како „летачки радар“ што може да го следи рускиот воздушен простор од полска територија и да им обезбедува на украинските пилоти податоци за целта.
Со оваа тактика, украинските авиони ќе можат да погодуваат руски авиони и ракети на значително поголем дострел.