Српскиот епидемиолог и член на Кризниот штаб Бранислав Тиодоровиќ ги оценува како неосновани пораките за паника испратени од некои медиуми од Србија и странство поради новиот, омикрон сој на корона вирусот, нагласувајќи дека нема податоци дека овој сој е отпорен на вакцини.
Тиодоровиќ смета дека лекарите знаат да претеруваат и кога зборуваат за новиот сој, наведувајќи дека, според податоците до кои дошол, сојот омикрон досега заразил 2.830 луѓе во Јужна Африка, а околу 150 во Европа.
„Секогаш треба да тргнуваме од научно потврдени факти. Нема докази дека сојот омикрон е отпорен на вакцините. Има истражување кое ги штити постоечките вакцини, особено од тешката клиничка слика на Ковид-19“, рече Тиодоровиќ.
Како што истакна, паниката е неоправдана, но има причини за претпазливост.