Ненадејно почина актерката која со години играше во популарната серија

Светот на телевизијата се збогува со австралиската актерка Рејчел Карпани, која почина на 46-годишна возраст по долга битка со хронична болест.

Веста ја потврди нејзината сестра Џорџија, истакнувајќи дека актерката починала мирно во раните утрински часови на 7 декември.

Рејчел Карпани е најпозната по улогата на Џоди Фоунтин во хит серијата од почетокот на 2000-тите „Ќерките на Меклауд“.

Таа играше во серијата од 2001 до 2009 година, а за нејзината актерска изведба доби две номинации за наградата „Логи“. Наградите „Логи“ се годишни телевизиски награди во Австралија, кои ги слават домашните ТВ серии и телевизиски личности.

Погребот ќе се одржи на 19 декември.