Кандирани кори од портокал се исклучително вкусен десерт, но и прилично скап, па многумина ги купуваат само во ретки прилики.
За среќа, постои одличен начин да ги направите сами дома – и со остатоци од портокали кои веројатно веќе ги имате во вашиот фрижидер!
Состојки:
* 100-200 гр органска кора од портокал (или грејпфрут, лимон, лимета…)
* 100 гр кафеав или бел шеќер (одделете дел за декорација)
* 50 гр темно (или млечно) чоколадо, исечкано на мали парчиња
Подготовка:
Исечете ја кората на парчиња со дебелина од 5-10 мм, ставете ги во тенџере и прелијте ги со ладна вода. Оставете да зоврие, варете три минути, а потоа процедете. Повторете со свежа вода, па повторно процедете.
Во празна тава ставете ги шеќерот и 180 мл вода и оставете да зоврие, мешајќи да се раствори шеќерот. Додадете ја исцедената бланширана кора, покријте ја и оставете ја да се вари 20-30 минути, додека кората омекне и смесата од шеќер и вода не се намали и згусне во сируп (по потреба додадете уште малку вода).
Со вилушка подигнете ја целата кора на плех обложен со мрсна хартија, па рамномерно посипете со дополнителен шеќер и оставете да се излади. Во меѓувреме растопете го чоколадото во помал сад над друг сад со топла вода за да се растопи над пареата. Потопете го едниот крај од секоја кора во чоколадото, а потоа вратете ги сите кори во обложениот плех и ставете ги во фрижидер до сервирање.
На здравје!