713
Сообраќајната полиција во Дербишир, Англија на Твитер објави дека полициски службеници сопреле 69-годишен маж во возило марка „Hyundai ix20“ кој никогаш во животот не полагал возачки испит.
Човекот наводно со години ја лажел осигурителната компанија дека има возачка дозвола. Како го пронашла полицијата? Наводно премногу се фалел со тоа дека нема возачка дозвола, па така полицијата дошла до него.
Полицијата му го одзела автомобилот, а возачот е пријавен за повеќе прекршоци, пренесува „Ревија ХАК“.
Сепак, тој не е рекордерот. Минатата година, полицијата во Англија фатила возач на „Mini cooper“ кој исто така со децении возел без дозвола – поточно дури 72 години.