Израелскиот премиер Бенјамин Нетанјаху изјави дека палестинското движење Хамас повторно го отфрлило договорот за ослободување на одредени заложници и нагласи дека Израел нема да ја прекине војната во Појасот Газа додека не ги врати сите киднапирани и целосно не го елиминира потенцијалот на Хамас.
„Нема да ја завршиме војната додека не го уништиме Хамас во Газа, додека не ги вратиме сите наши заложници и додека не се погрижиме Појасот Газа повеќе да не претставува закана за Израел“, рече Нетанјаху во обраќањето до нацијата.
Тој посочи дека на крајот на неделата Палестинците повторно го отфрлиле предлогот што би довел до ослободување на половина од заложниците кои се уште во Газа и враќање на телата на голем број загинати заложници.
„Движењето Хамас бара прекин на војната и зачувување на нејзината моќ. Исто така, бара целосно повлекување на израелските трупи од Газа и обнова на Газа при привлекување капитал што ќе му овозможи повторно да се вооружи и да подготви нови напади против нас. Завршувањето на војната под овие услови на капитулација ќе им стави до знаење на сите непријатели на Израел дека можете да го фрлите Израел на колена со киднапирање на Израелци“, рече Нетанјаху.
На 18 март Израел продолжи со нападите врз Појасот Газа, со што еднострано го прекрши примирјето.
Израел, кој е обвинет за воени злосторства и геноцид врз Палестинците, ја исклучи електричната енергија на фабриката за бигор во Појасот Газа и го затвори влезот за камионите со хуманитарна помош.