Израелскиот премиер Бенјамин Нетанјаху вечерва ќе свика состанок на Советот за безбедност во Ерусалим, соопшти кабинетот на министерот за „Тајмс оф Израел“.
Состанокот се одржува во време кога Израел чека одлука од американскиот претседател Доналд Трамп за тоа дали САД ќе се приклучат на операцијата против нуклеарната програма на Иран, објави израелскиот весник.
Американскиот претседател Доналд Трамп размислува дали да се придружи на израелските напади врз иранските нуклеарни објекти, бидејќи конфликтот влегува во својот шести ден и острата реторика се интензивира меѓу сите страни, објави Би-Би-Си, повикувајќи се на неименувани претставници.
Нападите на САД би можеле да вклучуваат употреба на супериорно оружје за да се погоди подземниот нуклеарен објект во Форд, велат изворите.
Трамп се состана со својот тим за национална безбедност во вторник за да разговара за следните чекори.