Стриминг услугата Netflix објави дека воведува AI чет-бот во својата iOS апликација како „мала опционална бета верзија“, кој ќе им помогне на корисниците да пребаруваат серии и филмови „користејќи природни разговорни фрази“, според официјално соопштение.
Пример е фразата „Сакам нешто смешно и весело“.
Без сомнение, луѓето ќе ја користат оваа нова функција и таа ќе стане постојан дел од апликацијата Netflix за iOS и Android, а можеби еден ден и за телевизија.
Покрај тоа, Netflix наведува дека „ги става на виделина сите информации потребни за корисникот да донесе одлука што да гледа“. Меѓу фразите се „Добитник на наградата Еми“ и „Број 1 во ТВ емисии“.
„Пребарување“ и „Мој список“ се преместени на врвот од страницата на телевизија бидејќи таму се позабележителни, додека препораките на почетната страница стануваат „почувствителни на расположението и интересот на корисникот во моментот“, што и да значи тоа. Почетната страница има „чист и модерен дизајн, кој подобро го отсликува премиум искуството на Netflix“.
Што се однесува до мобилната апликација, во наредните недели вертикалниот фид ќе биде исполнет со исечоци од серии и филмови, за да се направи откривањето нова содржина „лесно и забавно“. Корисникот ќе може да почне да ја гледа целата серија или филм со еден допир, да ја додаде оваа содржина во „Мој список“ или да ја сподели со пријатели.