Потпретседателот на ВМРО-ДПМНЕ, Александар Николоски, на денешната прес-конференција за аферата „Мафија“ откри уште две лица коишто поседуваат македонски пасош со позајмен идентитет, а како што посочи, еден од нив е познат црногорски атентатор.
–МВР во регуларна постапка на 17 јули 2019 година му издала македонски пасош со број Ц1265083 и на шефот на нарко-кланот од Албанија, Флоријан Мусај, со позајмен идентитет на Наум Фило роден на 22 јануари 1986 година. Ги повикувам медиумите подетално да истражат кој е овој човек. Мусај станува познат кога против неговиот нарко картел во меѓународна соработка на полициските слижби на Германија, Холандија, Италија и Албанија се откриени 91 килограм кокаин во вредност од 20 милиони евра. Според информациите, по добивањето на македонски пасош, Мусај патува низ повеќе европски држави, а во октомври 2019 година пристигнал во Јужна Америка. Користејќи го македонскиот пасош на име Наум Фило патувал низ многу држави – рече Николоски.
Потпретседателот на ВМРО-ДПМНЕ рече дека втората индиција која ја имаат е дека пасош поседувал и Стефан Џукиќ, осомничен за обид за убиство на еден од водачите на т.н. Ковачки клан.
-Обидот за убиство се случил во Киев, Украина, а името е Радивоје Звицер. Стефан Џукиќ имал македонски пасош на име Каче Герги. Човек кој медиумите го условуваат како платен убиен на Кавачкиот клан има македонски пасош издаден од МВР, рече Николоски.