Лиам Нисон се пошегува дека повторното лансирање на франшизата „The Naked Gun“ („Гол пиштол“) може да ја заврши неговата кариера, бидејќи му било понудено да биде главниот лик.
Иако проектот допрва треба да биде официјално објавен, Нисон откри дека Сет Мекфарлaн (Family Guy, Ted) и студиото „Paramount“ му пришле за потенцијално да им помогнат да ја оживеат франшизата на акционо-комедиските филмови.
Говорејќи неодамна за „People“, Нисон рече:
„Ми пријдоа Сет Мекфарлан и студиото „Парамаунт“ за да можеме заедно да го оживееме „Гол пиштол“. Или ќе ми ја заврши кариерата или ќе ја однесе во сосема поинаква насока“, се пошегувал тој. „Искрено, не знам“.
Нисон претходно соработуваше со Мекфарлaн на „A Million Ways To Die In The West“, заедно со камео појавувањата во „Ted 2“ и епизодата „Orville“.
Во оригиналната трилогија „Гол пиштол“, главната улога ја играше Лесли Нилсен, односно лековерниот детектив Френк Дребин. Оригиналниот филм од 1988 година беше проследен со продолженија – „Naked Gun 2 1/2 Smell of Fear“ во 1991-ва и „Naked Gun 33 1/2: The Final Insult“ од 1994. година.