Нобеловецот Мухамед Јунус (84), долгогодишен политички непријател на соборената премиерка на Бангладеш Шеик Хасина, е именуван за привремен лидер на земјата. Јунус беше назначен еден ден откако Хасина избега од земјата, а му претходеа неколкунеделни протести со барање нејзина оставка.
Би-Би-Си пишува дека Хасин Јунус бил третиран како јавен непријател, а тој моментално е пуштен со кауција откако е осуден на шест месеци затвор, опишувајќи го случајот во кој бил осуден како политички мотивиран.
Студентите кои ги предводеа протестите побараа од Јунус да ја води привремената администрација
Студентите кои ги предводеа масовните протести кои ја соборија Хасина одбија да ја прифатат владата предводена од војската и побараа од професорот Јунус да ја води привремената администрација. Одлуката да се назначи Јунус за главен советник на привремената влада уследи по средбата меѓу претседателот Мохамед Шахабудин, воените лидери и претставниците на студентите.
„Кога студентите кои се жртвуваа толку многу ќе побараат од мене да се вмешам во ова тешко време, како можам да одбијам?“
Тој се враќа во Дака од Париз каде му е подложена на помала медицинска процедура, изјави неговиот портпарол.
Поранешниата премиерка побегна во Индија
Да потсетиме, протестите во Бангладеш почнаа на почетокот на јули, но прераснаа во пошироко антивладино движење. Се верува дека повеќе од 400 луѓе загинале во судирите меѓу владините сили и демонстрантите, пишува index.hr.
Неколку часа пред демонстрантите да упаднат во официјалната резиденција на поранешната премиерка во главниот град Дака, Хасина поднесе оставка и побегна во соседна Индија. Така заврши нејзиното речиси 15-годишно владеење.