БДП на Норвешка се намали во четвртиот квартал, покажаа податоците од одделот за статистика на Норвешка, што укажува на тоа дека економијата влезе во рецесија на крајот на 2024 година, со континуиран пад на активноста во секторот за нафта и гас.
БДП од октомври до декември е намален за 0,6 отсто во однос на претходните три месеци кога според ревидираните податоци падна за 1,6 отсто.
Така Норвешка влезе во рецесија на крајот на годината бидејќи активноста се намалуваше два квартали по ред.
Активноста во секторот вадење нафта и гас и транспорт е намалена за еден отсто во однос на летниот квартал кога потона за 5,1 отсто. Доколку се исклучи секторот нафта и гас, БДП во четвртиот квартал се намали за 0,4 отсто, по речиси истиот процентуален раст во претходните три месеци.
Извозот на нафта и гас е намален за еден процент, по падот од шест проценти во летните месеци. Потрошувачката на домаќинствата и претпријатијата се задржа на нивото од претходните три месеци. Во цела минатата година БДП порасна за 2,1 отсто, по стагнацијата во 2023 година.
Активноста во енергетскиот сектор скокна за 4,9 отсто, по падот од 1,0 отсто во 2023 година. Кога ќе се исклучи енергетскиот сектор, таа се зголеми за 0,6 отсто, речиси исто како и во 2023 година.