Нов и евтин тест прави можно да се идентификуваат сите минати и сегашни вирусни инфекции на човек, ако само се анализира една капка крв.
“Методот наречен VirScan, обезбедува алтернатива на земање крв за вирус во даден момент”, изјавија истражувачите кои ја опишуваат новата технологија во списанието “US Science”.
Новиот пристап, развиен од страна на научници од Медицинскиот институт Хауард Хјуз, ќе помага на здравствените работници да се идентификуваат бројни фактори кои би можеле да влијаат врз здравјето на човекот, а не само еден вирус.
Тој исто така ќе им помага на истражувачите да ги анализираат вируси во поголема популација само со една крвна проба.
Истражувачите веќе користат VirScan за анализа на крвта на 569 луѓе во САД, Јужна Африка, Тајланд и Перу. Тестот работи преку пребарување за антитела кон некој од 206 – те видови на вируси, кои се познати во човечкиот организам.
Дури и откако имунолошкиот систем на организмот го исфрли вирусот, тој продолжува да произведува антитела со години. Истражувачите го тестирале методот со крв од пациенти кои имаат специфични вируси како ХИВ и хепатитис C.