Поранешниот полицаец од Минеаполис, Дерек Шовин, кој минатата година беше осуден за убиство на Афроамериканецот Џорџ Флојд, денеска е осуден на 20 години и пет месеци затвор според федералната тужба, овој пат за кршење на граѓанските права на жртвата, пренесува „Ројтерс“.
Шовин веќе отслужува казна од 22 и пол години во затвор во Минесота, откако беше прогласен за виновен во јуни 2021 година за убиство од втор и трет степен.
Денешната казна ќе се одвива паралелно со првобитната казна од 22 и пол години.
Флојд почина по полициска интервенција во мај 2020 година, кога Шовин го притискаше коленото на вратот на Флојд девет минути, а тој се желеше дека не може да дише.
Видеото од убиството стигна во јавноста, по што во бројни американски градови избија немири во знак на протест против расизмот и полициската бруталност.