Денес од одделението за односи со јавност на Општина Карпош информираа сензорните соби на основните училишта „Лазо Трповски“, „Аврам Писевски“ и „Јан Амос Коменски“ добија нови реквизити и училишни помагала кои придонесувааат полесно вклучување за учениците со попреченост, нивна поголема социјализација и директна комуникација.
Станува збор за интерактивни табли, топки и предмети со топчест облик кои овозможуваат развој на моториката кај најмладите.
„Овие реквизити ги донираше организацијата „Open fun football schools – Macedonia“, која има континуирана соработка со општина Карпош. Локалната самоуправа, оваа недела одржа и јавна дискусија за поголема вклученост на младите со попреченост. Дефектолози, педагози и родители дискутираа за намалување на бариерите во наставата” – стои во соопштението.