Украинското Министерство за одбрана денеска соопшти дека во размената на заробеници со Русија се ослободени 144 украински војници, меѓу кои и голем број борци од Азов.
Од 144-те ослободени борци, 95 се бранители на челичарницата Азовстал во Мариупол, а меѓу нив има и 43 припадници на Азовскиот полк, кој Русите го нарекуваат „нацисти“.
Меѓу ослободените борци има 30 маринци, 28 припадници на редовната армија, 17 гранични војници, девет припадници на територијалната одбрана и еден полицаец, пренесува Укринформ.
Најстариот ослободен борец има 65, а најмладиот 19 години.
Повеќето од ослободените Украинци имаат сериозни повреди, рани од куршуми, изгореници, скршеници и ампутирани екстремитети, соопшти украинското Министерство за одбрана, но не понуди докази за поддршка на наводите.
Русија се уште не ги потврди овие наводи на Украина.