Кога зборуваме за plug-in хибриди, се споменува максимален опсег од 120 km. Обично е пократко. Но, plug-in хибридите би можеле да станат исклучително атрактивни бидејќи се случуваат важни работи на технолошко поле.
Кинеската CATL ја претстави новата супер хибридна батерија Freevoy, за која се вели дека обезбедува досег до 400 километри за plug-in хибриди. На струја. Секогаш треба да се има предвид дека наведената километража се пресметува според кинеските мерења на потрошувачката и веројатно е премногу амбициозна, но ако од неа се одземе 150 километри, ќе се дојде до завидна бројка со која се борат многу електрични автомобили, според „HAK“.
Покрај обезбедувањето значително зголемување на опсегот, CATL вели дека батеријата Freevoy поддржува супербрзо полнење. Ова значи дека 10-минутното застанување може да обезбеди повеќе од 280 километри досег. Дизајнот на батеријата вклучува технологија за модификација на површината на катоден материјал, заедно со иновативна формулација на електролит со висок напон, за да се создаде нано-заштитен слој. Ова ефикасно ги намалува несаканите ефекти во активниот слој.
Дури 30 plug-in хибридни модели ќе бидат опремени со батеријата Freevoy следната година. Меѓу првите што ќе го усвојат ќе бидат брендовите како Chery, GAC, Geely и VOYAH.