Кога станува збор за постоењето на вонземјани, има некои работи што не можам да ви ги кажам во живо, изјави поранешниот американски претседател Барак Обама како гостин во ток-шоуто на Џејмс Корден.
Запрашан за неидентификувани летечки објекти и потенцијално присуство на вонземјани на Земјата, Обама прво рече дека има многу работи во врска со НЛО што не може да ги открие во живо.
Кога станал претседател во 2009 година, Обама рече дека прашал дали има лабораторија или центар каде што се чуваат информации или примероци од вонземјани, но добил негативен одговор.
„Она што е навистина точно, а јас сум сериозен сега, е дека има снимки и записи на објекти на небото за кои не знаеме што точно се. Нивните движења и траектории се необјасниви за нас и ние не го разбираме образецот на нивното однесување“, изјави поранешниот претседател на САД.
Обама додаде дека овие феномени сè уште се испитуваат и дека има многу луѓе кои ги истражуваат, но, за жал, тој нема што повеќе да известува за тоа.
Во последниве години, американската армија ја потврди автентичноста на бројните истрели од авиони кои забележаа неидентификувани летечки предмети, од кои многу маневрираа на начини што ги збунија аеронаутичките експерти.