Само 24 часа откако поранешниот косовски претседател Хашим Тачи поднесе оставка поради обвинението поднесено од Специјалниот суд, бил направен обид за незаконско преземање на тајни документи од шефот на косовското претседателство, објави „Газетаблиц“.
Поради тоа денес било објавено дека директорот на Агенцијата за разузнавање на Косово (КИА) ќе го извести Одборот за безбедносно собрание за овој случај, пренесува „Косово онлајн“.
Изворите на порталот велат дека се обиделе тоа да го сторат секретарот на косовското претседателство, Дритон Гаши и еден службеник, кого го претставил како инспектор на Агенцијата за разузнавање на Косово.
На 6 ноември, Гаши, наводно, ги известил советниците на Вјоса Османи, која е в.д. претседател на Косово, дека ЕУЛЕКС ќе изврши официјален претрес во канцеларијата на поранешниот претседател Тачи, но претставниците на ЕУЛЕКС го негираат тоа.
Потоа заедно со соработници на сегашната в.д. претседателка, влегле во канцеларијата кадешто бил отворен сефот каде се чуваат доверливи документи. Неколку минути подоцна, Османи пристигнала во канцеларијата и побарала објаснување од Гаши, по што сефот во нејзино присуство сепак бил отворен, пренесуваат медиумите.
Секретарот на претседателството на Косово, Дритон Гаши претходно беше директор на КИА, а по неговото депортирање на шест турски државјани, тој беше заменет со поранешниот премиер Рамуш Харадинај. Потоа го назначи за секретар на претседателството.