Во кратко видео објавено вчера, Би-Би-Си понуди краток увид во животите на членовите на бандата од Бирмингем, со порака изговорена од Томи Шелби: „Ова ќе биде крајот“.
Помина само една година откако стигна веста дека наградуваната гангстерска сага „Peaky Blinders“ ќе заврши со шестата сезона, а вчера огромна армија фанови на серијата добија новогодишно задоволство бидејќи Би-Би-Си го објави првиот трејлер за 6-та сезона.
Датумот на емитување се уште не е објавен, иако се шпекулираше дека ќе биде на почетокот на 2022 година.
Килијан Марфи се враќа како Томи Шелби, барајќи начин конечно да се одмори кланот од Бирмингем. Меѓу другите се враќаат Том Харди, Пол Андерсон и Фин Кол.
Една од главните ѕвезди на серијата, актерката Хелен Мекрори, почина во април оваа година, а судбината на ликот на тетка Поли која ја играше актерката, не беше откриена во објавениот трејлер.