Британската кралица Елизабета Втора. ќе биде погребана во понеделник во 19:30 часот по локално време на приватна церемонија во капелата Свети Џорџ во замокот Виндзор, во западното предградие на Лондон, по утринскиот државен погреб, соопшти Бакингемската палата.
Утре вечер, исто така во 19:30 часот по локално време (20:30 по средноевропско време), нејзините деца, вклучувајќи го и новиот крал Чарлс III, ќе се соберат на уште едно бдение покрај нејзиниот ковчег, кој е изложен во Вестминстерската палата во Лондон. Кралицата почина на 8 септември на 96-годишна возраст во Шкотска. Таа владееше повеќе од седумдесет години.
Државниот погреб, прв по смртта на Винстон Черчил во 1965 година, ќе се одржи во 11 часот по локално време (12 часот по средноевропско време) во Вестминстерската опатија во присуство на 2.000 гости, вклучително и стотици странски достоинственици и членови на кралското семејство.
Ќе присуствуваат 200 лица на кои кралицата им оддаде почит во јуни годинава, пред се здравствени работници ангажирани во пандемијата на коронавирус. Ковчегот потоа ќе биде префрлен во капелата Свети Џорџ во замокот Виндзор. Мисата ќе се одржи во 16:00 часот (17:00 часот по средноевропско време) во присуство на повеќе од 800 луѓе, а самиот погреб е резервиран за најблиското семејство, без фотографи и камери.
Кралицата ќе биде погребана во капелата на кралот Џорџ VI, каде што лежат нејзиниот татко и мајка, како и пепелта на нејзината сестра принцезата Маргарет. Таму ќе биде пренесен и ковчегот на нејзиниот сопруг, принцот Филип, кој сега се наоѓа во кралската гробница. Чарлс III ќе одржи прием во недела за шефовите на држави кои пристигнаа на погребот на кралицата.