Уште откако се појавија заедно на финалето на Вимблдон во јули 2019 година, Џеф Безос и Лорен Санчез се еден од оние парови кои секогаш привлекуваат внимание. Почетокот на нивната љубов беше обележан со разводот на Безос од Мекензи Скот и одлуката да ѝ плати дури 38,3 милијарди долари, бидејќи немаа предбрачен договор пред да се венчаат.
Богатството на Безос порасна толку многу што оваа голема сума не му наштети, но Безос овој пат ќе го заштити своето богатство повнимателно.
Со помош на својот правен тим, Безос е вклучен во пишувањето предбрачен договор кој треба да го заштити неговото богатство од 220 милијарди долари. Со оглед на огромната сума пари што го прави трет најбогат човек во светот, креирањето таков договор не е баш најлесната задача.
„Нивниот предбрачен договор првенствено би се фокусирал на заштита на огромните средства на Џеф Безос стекнати пред бракот и нивно изолирање од каква било сопственост на г-ѓа Санчез за време на нивниот брак.“ „Се чини дека станува збор за јасен список на сите деловни средства и сопственички интереси, во кој се наведува дека тие ќе се сметаат за посебни средства на Џеф Безос“, изјави за Hello! Алфонс Провинцијано, сертифициран експерт за семејно право и адвокат за семејно право во „Provinziano & Associates“.
Адвокатите на Безос се категорични дека нема да му биде дозволено да се ожени додека не се воспостават законските одредби, бидејќи не сакаат да ја повторат ситуацијата во која се најде за време на неговиот прв брак со Мекензи Скот.
Џеф и неговата поранешна сопруга, кои имаат четири деца, биле во брак пред да ја изградат својата империја од милијарда долари, кога „Амазон“, како онлајн продавач на книги, бил во повој.