Речиси половина од површината на Сингапур сега е зелена површина. Поточно, 47 отсто од територијата на овој азиски град-држава се состои од зелени површини. Овие области вклучуваат природни резервати, ботанички градини и паркови, поврзани со спектакуларно шеталиште обложено со дрвја. Напорите на Сингапур за проширување на зелените површини започнале во 1960-тите години.
До тогаш, брзата урбанизација довела до тоа само 36 отсто од површината да биде покриена со зеленило. Подоцна, Сингапур се ребрендирал во „Град на градини“, што подразбирало и широка кампања за озеленување. Ова довело до создавање на зелена површина од 78 квадратни километри. Планот е таа површина да се зголеми за уште 10 квадратни километри во следните десет години.
Само во последните пет години се засадени 750.000 дрвја. Сите нови станбени згради мора да имаат зеленило, како што се растенија на покривите и ѕидовите. Дел од тој зелен простор е и парк што се простира на 101 хектар и содржи 18 соларни „супер дрвја“. Овој парк претставува белите дробови на градот-држава. Сите овие иницијативи се насочени кон зачувување на биодиверзитетот, подобрување на квалитетот на воздухот и намалување на температурите, објави Светскиот економски форум (СЕФ).