Доналд Трамп нема да биде осуден за прикривање на исплата на пари до септември, одлучи во вторникот њујоршки судија, по одлуката на Врховниот суд дека Трамп како поранешен претседател има одреден имунитет.
Одложувањето на пресудата значи дека поранешниот претседател ова лето најверојатно ќе избегне каква било конкретна казна за споменатото злосторство, пишува Си-Ен-Ен.
Одлуката беше донесена во исто време кога изборната кандидатура на Трамп доби „ветар во грб“ по неуспешниот настап на претседателот Џо Бајден во дебатата со Трамп, што ги натера демократите да се прашуваат дали да го заменат својот кандидат.
Изрекувањето на пресудата на Трамп беше закажано за 11 јули.
Судијата Хуан Меркан рече дека на поранешниот претседател ќе му биде изречена пресудата на 18 септември, „ако сè уште тоа е неопходно“.