Највисоките претставници на Европската унија, предводени од претседателката на Европската комисија, Урсула фон дер Лејен, денеска изразија сочувство за смртта на папата Франциск и му оддадоа почит, истакнувајќи го неговото сочувство, понизност и љубов кон сите.
„Светот денес тагува за смртта на папата Франциск. Тој инспирираше милиони луѓе, многу подалеку од Католичката црква, со својата понизност и таква чиста љубов кон оние со помала среќа. Моите мисли се со сите што ја чувствуваат оваа длабока загуба. Нека најдат утеха во идејата дека наследството на папата Франциск ќе продолжи да не води сите кон поправеден, мирен и сочувствителен свет“, сподели Фон дер Лејен на Х.
Претседателот на Европскиот совет Антонио Кошта им се придружи на милиони луѓе ширум светот кои тагуваат по смртта на папата Франциск, кого го опиша како „длабоко сочувствителен“.