ОЈО со постапка против зетот на Зоки Фаци – се обидел да ги запали семејството и домот

Основното јавно обвинителство Скопје покрена постапка против Тодор Митровиќ за кривично дело „Предизвикување општа опасност“, откако на 2 мај подметнал пожар во куќа во Катланово и стан во скопската населба Ново Лисиче, сопственост на неговата поранешна сопруга.

Митровиќ, кој подолго време бил пријавуван за семејно насилство, прво запалил бензин пред вратата на викенд-куќата, а потоа и во станот каде живеат неговата сопруга и нивните деца. Пожарот во станот бил навреме забележан и изгаснат од соседите, спречувајќи поголема трагедија, бидејќи зградата се наоѓа до основното училиште „Лазо Ангеловски“.

Осомничениот е приведен и изведен пред судија, а обвинителството предложи притвор поради опасност од бегство и сериозноста на делото.