235
Агенцијата за борба против измами на Европската унија (ОЛАФ) ја обвини Марин Ле Пен и неколку членови на нејзината партија, вклучително и нејзиниот татко, за проневера на околу 620.000 евра додека биле пратеници во Европскиот парламент.
Францускиот истражувачки сајт „Медиапарт“ објави дел од нов извештај на 116 страници во кој се наведува дека членовите на Европскиот парламент ги злоупотребиле средствата на ЕУ за национални партиски цели, објави британскиот весник „Гардијан“.
Наводите беа изнесени една недела пред вториот круг од претседателските избори, кои ќе се одржат на 24 април, на кој Ле Пен ќе се соочи со актуелниот претседател Емануел Макрон.