Германските социјалдемократи го претекнаа конзервативниот блок ЦДУ / ЦСУ за прв пат по 15 години во новата анкета во вторникот, само неколку недели пред државните избори. Истражувањето покажува дека СПД води со 23 проценти, веднаш пред сојузот ЦДУ / ЦСУ со 22 проценти. На третото место се Зелените со 18 проценти, додека либералната ФДП има поддршка од 12 проценти.
Ова е особено фасцинантно со оглед на тоа што до пред само два месеци, социјалдемократите беа големи аутсајдери, со поддршка од помалку од 15 проценти. Актуелниот министер за финансии и кандидатот на СПД за нов канцелар, Олаф Шолц, е првенствено одговорен за овој неверојатен раст, кој најавува дека СПД би можела да стане најсилната партија во Германија по изборите во септември.
Тој особено ги воодушеви Германците со својот став за време на корона- кризата и помогна на економијата, а со оглед дека Ангела Меркел се повлекува од политиката по изборите, се повеќе Германци го гледаат како нов лидер.
Олаф Шолц е роден во 1958 година во Оснабрик. Од март 2018 година, тој беше заменик -канцелар и министер за финансии на Сојузна Република Германија.