Советот за човекови права на ОН гласаше за усвојување резолуција за започнување истрага за наводите против руските сили за воени злосторства во Украина. За резолуцијата гласаа 33 членови на Советот, додека само Кина и Еритреја беа против, додека 12 членки беа воздржани, пренесува Sky News.
Украина тврди дека идентификувала стотици осомничени воени злосторници по руската инвазија на земјата, започната кон крајот на февруари. Денеска телото на ОН за човекови права одржа итна седница во Женева на која беа разгледани доказите за наводно кршење на човековите права од страна на Москва.
🔴URGENT.
Le Conseil des droits de l'homme a voté pour renforcer l'examen de la "détérioration de la situation des #droitsdelhomme en #Ukraine à la suite de l'agression russe", compte tenu des événements à Marioupol & dans plusieurs autres villes.
OUI✅33
NON❌2
ABSTENTIONS➖12 pic.twitter.com/l2nMNK69K4— UN Human Rights Council (@UN_HRC) May 12, 2022
Рускиот амбасадор во ОН во Женева ја критикуваше резолуцијата на ОН за започнување истрага за наводите против руските сили за злоупотреба и криминал во Украина.
„Наместо да разговара за вистинските причини што доведоа до кризата во оваа земја и да бара начини за нивно решавање, „колективниот Запад“ организира уште еден политички потфат за демонизирање на Русија“, изјави Генадиј Гатилов за Ројтерс.
Кинескиот амбасадор Чен Ксу исто така упатил критики. Тој се пожалил на „политизацијата“ на Советот и рекол дека резолуцијата може да „долее масло на огнот“ на тензиите во Украина.
Русија негира дека нејзините сили извршиле злоставувања. Русија минатиот месец беше суспендирана од Советот за човекови права на ОН, а нивното место за време на денешната седница беше празно.