ОН: Многумина од милионите кои избегаа од Украина нема да имаат каде да се вратат

Многу од речиси петте милиони луѓе кои избегаа од Украина нема да имаат домови во кои ќе се вратат, предупредија Обединетите нации.

53 дена по руската инвазија, според УНХЦР, речиси пет милиони Украинци ја напуштиле земјата. Околу 90% од оние што избегаа беа жени и деца, откако владата воведе вонредна состојба со која им се забранува на мажите на возраст меѓу 18 и 60 години да заминуваат.

На почетокот на април, УНХЦР објави дека повеќе од седум милиони луѓе се внатрешно раселени во земјата.