ОН: Повеќе од 7.000 цивили загинаа во Украина, реалната бројка е многу поголема

Повеќе од 7.000 цивили загинале во Украина од почетокот на војната на 24 февруари минатата година, но реалната бројка е многу поголема, соопшти Канцеларијата на Високиот комесаријат на ОН за човекови права.

Повеќето од цивилите, наводно, биле убиени од експлозивно оружје со широка област, вклучително и гранатирање од тешка артилерија и повеќецевни ракетни системи и воздушни напади, пишува Гардијан.

Канцеларијата на ОН соопшти дека ја потврдила смртта на 7.031 цивил, но верува дека реалниот број на жртви е „значително поголем“, со оглед на непристапноста до областите каде се водат интензивни борби.