Стотици пациенти се заглавени во болниците во северниот дел на Газа и физички е невозможно да се евакуираат кон југ, изјави шефот на агенцијата на ОН за палестински бегалци во таа област.
Том Вајт од оваа агенција на ОН го повтори она што го рекоа лекарите и другите добротворни организации – невозможно е да се преместат пациентите од болниците како Ал-Кудс во северна Газа. Палестинската Црвена полумесечина соопшти дека Израел им рекол да ја евакуираат болницата вчера, бидејќи воздушните напади одекнувале во близина.
„Луѓето на север се многу гладни и многу жедни“
„Многу луѓе на север бараат засолниште во училиштата на ОН, бараат засолниште во болниците“, рече Вајт, додавајќи: „Бев во една од болниците оваа недела, има стотици и стотици пациенти кои не можат да се движат.
Тој рече дека многу луѓе на север – не само пациенти – исто така „не можат да се движат затоа што физички немаат транспорт, немаат средства“. Луѓето се „многу гладни, многу жедни и многу исплашени“, а многумина живеат од парчиња леб и конзервирана храна што повремено успеваат да ги добијат.