Вработените во ОН за проценка на заканите предупредуваат дека Талибанците ја засилуваат потрагата по луѓе кои работеле за САД и НАТО и одат „од врата на врата“ за да ги најдат.
Доверлив извештај на советниците на ОН за закани, виден од одреден медиум, покажува дека вооружена група има „приоритетна листа“ на поединци што сака да ги уапси и се заканува дека ќе уапси или убие членови на семејство доколку тие лица не се предадат.
Луѓето кои се упатуваат кон аеродромот во Кабул се цел на детални проверки на контролните пунктови во поголемите градови, вклучувајќи го главниот град и Џалалабад.
„Тие ги таргетираат семејствата на оние кои одбиваат да се предадат и ги прогонуваат и казнуваат нивните семејства во согласност со шеријатските закони “, рече Кристијан Нелеман, извршен директор на Норвешкиот центар за глобални анализи, автор на извештајот на ОН.
„Очекуваме поединци кои работеле за НАТО, американските сили и нивните сојузници, како и членовите на нивните семејства, да бидат цел на тортура и егзекуции. Ова дополнително ќе ги загрози западните разузнавачки служби, нивните мрежи, методи и способност да се спротивстават на Талибанците, ИСИЛ и други закани “.