324
Високиот комесаријат на ОН за бегалци Филипо Гранди денеска предупреди дека земјите фокусирани на помагање на Украина не треба да ги игнорираат кризите во други области, кои најверојатно ќе се влошат поради војната.
Гранди рече дека колосалната криза во Украина ќе го зголеми бројот на раселени луѓе ширум светот далеку над 84 милиони на крајот на 2021 година, со околу шест милиони бегалци од Украина и осум милиони раселени во таа земја, објави „Ројтерс“.
„За жал, глобалната криза со раселувањето расте. Мислам дека важната порака е дека не постои само Украина и дека не треба да ги заборавиме другите“, рече Високиот комесаријат на ОН за бегалци.