На интернет се појави слика која можеби ја открива цената на OnePlus 6, кој треба да биде претставен во јуни. Ако сликата е автентична, тогаш новиот модел на OnePlus ќе се продава за 749 долари, но засега не е јасно дали станува збор за американски долари или за друга валута. Потсетуваме дека цената на OnePlus 5T стартува од 499 долари за верзијата со 64 GB меморија за скалдирање и 559 долари за верзијата со 128 GB.
Од истечената слика се гледа дека предметната верзија ќе биде опремена со процесор Snapdragon 845 и има 8 GB RAM меморија и 256 GB меморија за апликации.
Меѓу другите познати спецификации се 6.2-инчен „исечен“ дисплеј и двојна камера со резолуција 16МР и 20МР.
Секако, во случајот не е јасно дали фотографијата е автентична и дали OnePlus нема да нуди и варијации на новиот предводник со помалку меморија, кои соодветно ќе чинат помалку.