Карбонара е омилено јадење на многу Италијанци и луѓе ширум светот. Многу луѓе во рестораните се одлучуваат за овој оброк, а еве еден рецепт кој ќе ви помогне да ја направите оваа тестенина исто како италијанските готвачи.
Потребни состојки:
1/2 кг шпагети
300 гр сланина
1/2 л павлака за готвење
1 шолја кисела павлака
2 јајца
1 жолчка
300 гр рендан кашкава (гауда)
200 мл вода (во која се вареле шпагети)
80 мл масло
Начин на подготовка:
Сланината исечкајте ја на ситни коцки и ставете ја на загреано масло да се пржи. Додека се пржи сланината, згответе ги шпагетите.
Во подлабок сад скршете ги јајцата, па соединете ги со жица за матење. Додадете ја павлаката за готвење и кисела павлака. Добро изматете. Во тенок млаз, со постојано мешање, сипете ја водата во која се варени шпагетите. Да се обединат се.
Кога сланината ќе стане крцкава, прелијте ја со смесата со јајцата, добро промешајте и оставете да се вари 1-2 минути. Потоа додадете го ренданиот кашкавал и измешајте да се растопи кашкавалот. На крај додадете ги процедените шпагети, добро промешајте и послужете.
Овој рецепт е погоден доколку ви треба брз и вкусен ручек кој ќе биде по сечиј вкус. Можете да ја зголемите и намалите количината на состојки во зависност од тоа за колку луѓе ја правите пастата. Оваа количина може да ја јадат 4 до 5 луѓе.
На здравје!