Оштетена зградата на хрватската влада по силниот земјотрес, премиерот Пленковиќ евакуиран

Во силниот земјотрес што се случи денес, на три километри од Петриња, беше оштетена и зградата на Владата во Загреб, од каде итно беа евакуирани сите присутни, заедно со премиерот Андреј Пленковиќ.

Земјотресот се почувствувал силно, а од зградата паднал малтер.

Ѕидните слики неодамна обновени во салата бан Јелачиќ паднале и сите биле итно евакуирани од зградата.

Вечерњи лист известува дека нивниот новинар извршил интервју со премиерот Пленковиќ, кој заминал за Петриња веднаш по земјотресот.

„Половина град беше уништен“, рече градоначалникот на Петриња, Даринко Думбовиќ, по силниот земјотрес со јачина од 6,2 степени според Рихтеровата скала, кој го погоди Петриња околу 12,20 часот и побара помош веднаш да биде испратена во тој град.