229
Здружението „Оштетени штедачи“, испрати реакција во која се вели дека претходниот допис не е нивни личен став, и е испратен од некој кој не е дел од сопственото истражување на ова здружение.
Имено, тие во реакцијата посочија дека ќе продолжат да се борат против криминалот во Еуростандард банка, но се оградија од претходното тврдење, кое го испратија индивидуални штедачи и коминтенти на банката.
„Би сакале да ве известиме дека од пред неколку часа има објава на текст во име на нашето Здружение од која мора да се оградиме бидејќи не е наш текст..
За точноста на веста во овој момент не можеме да се изјасниме бидејќи не е податок до кој што сме стигнале преку сопствено истражување, но за претходните текстови а и идните со кои планираме да ја известуваме јавноста за КРИМИНАЛОТ, можеме да гарантираме за точноста на истите.
Ние и понатаму ќе продолжиме најтранспарентно да ја известуваме јавноста околу детали за КРИМИНАЛОТ во ЕСБ банка, и би замолиле во иднина доколку добиете текст од некој друг да објавите од кого доаѓа, т.е. доколку не е од нас да не се наведува спротивно.
Воедно повторно би сакале да ви се заблагодариме на досегашната соработка.
ПРОДОЛЖУВАМЕ И ПОНАТАМУ“, се вели во нивната реакција.