Основачот на „Википедија“, Џими Велс, остро го критикуваше Х, порано познат како Твитер, откако го презеде Елон Маск, велејќи дека социјалната мрежа губи корисници и дека е „преплавена од тролови и лудаци“. Ова ја продолжи вербалната војна меѓу двајцата технолошки магнати која трае од минатата година.
Запрашан што значи купувањето на „Твитер“ од страна на Маск за 44 милијарди долари за пејзажот на социјалните медиуми, Велс на технолошката конференција Web Summit во Лисабон во вторникот рече: „Тоа е голем проблем“.
„Мислам дека многу сериозни луѓе бегаат од Х. Твитер, или Х, на некој начин е јавен плоштад на социјалните мрежи. А ако е преплавен со тролови и лудаци, тоа не е добро за никого од нас“, изјави Велс за CNBC на технолошката конференција Web Summit во Лисабон.
Истражувањето на аналитичката компанија Similarweb покажува дека метриката на ангажманот е намалена за X во споредба со минатата година. Коментарите на Велс доаѓаат откако Маск ѝ понуди на „Википедија“ една милијарда долари доколку го промени името во „Дикипедија“.
Како веб-локација, Википедија се потпира на заедница на волонтери за ажурирање на нејзината содржина.
„Маск водеше вербална војна со мене, а јас едноставно го игнорирам. Така што, јас навистина не одговорив на тоа“, рече Велс, мислејќи на понудата од една милијарда долари на Маск за промена на името.
„Она што тој го нарекува цензура, ние го нарекуваме сметано уредувачко проценување, што е сосема друга работа“, тврди Велс, кој го објави својот одговор на X – Trust Cafe претходно оваа година. Како што објасни Велс, тоа е „пилот проект со цел да се создаде заедница на луѓе од доверба“. Нема реклами, но се заснова на доброволно членство и доверливост, објасни иницијаторот.
Тој претходно изјави дека идејата била „да ги замени социјалните мрежи кои се хранат со внимание, лајкови и споделувања додека неговата платформа ќе се базира на доверливи членови на нашата заедница“, иако подоцна призна дека ги нема сите одговори кога станува збор за Trust Cafe.
„Тоа мора да биде навистина квалитетно искуство, нешто што корисниците сметаат дека им го подобрува животот“, рече Велс, објаснувајќи како планира да ги натера луѓето да платат за услугата. Trust Cafe им овозможува на луѓето да објавуваат слично како на X и другите да коментираат. Можете да прелистувате објави по теми како што се технологија или светски вести.