Заедно со Одделението за превенција при Секторот за внатрешни работи-Скопје заеднички го спроведовме првиот дел од едукативната кампања „Остани безбеден“, соопштија од Скопје ЗОО.
Овој викенд започнаа со превентивни активности како составен дел на редовното полициско работење кое се заснова на партнерство помеѓу полицијата, локалните самоуправи и граѓаните.
На влезот во градината беа поделени заштитни маски на посетителите, а нашите пријатели полицајци ни помогнаа и во едукација за придржување кон кодексот на однесување на посетителите кој е пропишан од Скопје Зоо- Да не се хранат и вознемируваат животните, да се носи маска и да се одржува дистанца.
Голема благодарност до Одделение за превенција при СВР Скопје и МВР. Продолжуваме и наредниот период заедно да соработуваме сите- Полицијата, Скопје Зоо и граѓаните.