Во почетокот на годината Џони Деп и Амбер Херд си рекоа “да” прво за време на тајна церемонија во неговиот дом, а малку потоа – на плажа на островот на холивудската ѕвезда на Карибите.
Всушност актерот од “Пиратите од Карибите” не е единствената славна личност која има свој остров.
Леонардо ди Каприо, на пример, сака да гради екокорт на својот приватен остров во близина на брегот на Белизе .
На некои од “обичните смртници” луѓе сепак судбината исто им се насмевнува. Парот Австралијци ја споделуваат својата инспиративна приказна за тоа на кој начин станаа горди сопственици на мал остров и како се оствари нивниот сон.
Во 2005 година Мелина Хантер и сопругот Рори се преселија за една година во Камбоџа , заради бизнис обврски на мажот во Пном Пен . Во 2006 година двајцата требало да заминат да живеат во Њујорк, но тоа никогаш не се случило, бидејќи двајцата добиле неодолива понуда.
Локалните жители им, предложиле на Австралијците да купат мал остров, кој се наоѓа на помалку од 30 километри од брегот на Камбоџа само за 15 000 долари . Двојката се согласила и иако нивните планови да се создаде островската идила се остварувале бавно, поради болеста на Мелина, двајцата сепак ја исполниле желбата.
Фото: Song Saa
Во моментов на островот се наоѓа вилата-одморалиште Song Saa, кој се состои од вкупно 27 вили . Оние кои сакаат да почиваат таму можат да го сторат тоа за 869 долари на ден .Некои од најбогатите луѓе во светот, пак, имаат можност да купат за себе некоја од вилите, чии цени се движат помеѓу 600 000 и 1,75 милиони долари .
Во нашата галерија може да го видите малиот рај на семејство Хантер во Камбоџа.
