Освоила повеќе од 200.000 евра со влог од 80 центи

Една жена освоила повеќе од 200.000 евра за Нова година во казино во францускиот град Сен Мало, откако ставила 80 центи во автомат.

„Станува збор за четириесетгодишна почетничка во коцкање и автомати за игри на среќа, која била придружувана од нејзината мајка. Таа освоила 209.715,20 евра и тоа е втор најголем џекпот од воведувањето на автоматите за игри на среќа пред 30 години“, велат од казиното.

Од казиното објавија и дека добитничката била изненадена, а уплатата ја чекала пиејќи шампањ.

Во 2011 година во истото казино играч освоил 425.000 евра вложувајќи 60 центи.