Maserati потврди дека го откажал проектот за електричниот суперавтомобил MC20 Folgore.
Портпаролот на компанијата изјави за Top Gear дека проектот е откажан поради недостаток на побарувачка во сегментот на суперспортски автомобили. Тоа значи дека немало доволно заинтересирани страни за да ја гарантираат профитабилноста на проектот.
Наводно биле планирани три електрични мотори со комбинирана моќност од повеќе од 700 КС, додека забрзувањето до 100 km/h би било две секунди.
Компанијата додава дека остануваат посветени на електричната мобилност и веќе нудат микс од модели BEV, MHEV и SUS дизајнирани да ги задоволат различните потреби на клиентите и на пазарот. Како единствен луксузен бренд во Stellantis, Maserati продолжува да се фокусира и инвестира во иновации, перформанси и италијанска изработка.
Треба да се потсети дека Maserati минатата година имаше многу слаба продажба, бидејќи брендот забележа пад од дури 57 проценти во 2024 година. Испораките се намалија од 26.600 автомобили во 2023 година на само 11.300 единици минатата година.
Пред да поднесе оставка на чело на целиот Stellantis, Карлос Таварез го обвини лошиот маркетинг за падот на продажбата. Во интервју минатиот месец, новоименуваниот извршен директор на Maserati, Санто Фицили, процени дека компанијата и понатаму ќе биде во минус оваа година, но се надева дека ќе биде профитабилна до 2026 година.