Британскиот Дејли Мејл откри објава на Инстаграм направена од Пакс Тиен Џоли Пит за Денот на таткото 2020 година. Во него, тој го нарекува својот татко „кретен од светска класа кој ги тера своите четири најмали деца да треперат од страв“.
„Ги претвори животите на моите најблиски во пекол“, напиша тој и потоа додаде:
„Може да си кажеш на себеси и на светот што сакаш, но вистината еден ден ќе излезе на виделина“, заклучувајќи: „Среќен Ден на татковците, ужасно човечко суштество“.
Оваа објава Пакс ја напишал на својот приватен Инстаграм профил кога имал 16 години.
Анџелина Џоли го посвои Пакс од сиропиталиште во Виетнам во 2007 година, како тригодишно дете. Неговата биолошка мајка била зависничка од хероин и го напуштила како новороденче. Бред официјално го посвои следната година.
Старата објава на синот на Анџелина и Бред се појави само неколку дена откако неговата сестра Захара јавно се откажа од презимето Пит. 18-годишната студентка на Универзитетот Спелман во Атланта неодамна се приклучи на првата црна сестринска група во историјата, Алфа Капа Алфа.
На социјалните мрежи сега се шират видеа од иницијацијата, а многу фанови беа изненадени од јавниот настап на Захара. Имено, таа за време на прославата застанала пред поголема група луѓе и гласно рекла: ‘Се викам Захара Марли Џоли’ и на тој начин открила дека се откажала од презимето на нејзиниот татко.
Многумина веруваат дека Захара го прекинала контактот со својот татко поради браќата Медокс и Пакс, со кои Пит со години немал никаков контакт. Наводно, Џоли поднела барање за развод поради пресметката на актерот со Медокс во приватен авион, кој тогаш сакал да ја одбрани мајка си.
Пит и Џоли се уште не успеале да се договорат за старателството над нивните шест деца. Тројцата најстари, Медокс, Пакс и Захара, веќе не се малолетни.