Претседателот на Хаити, Жовенел Моис, бил убиен, пренесува Дојче веле. Сопругата на Моиз, Мартин Моиз, беше повредена и хоспитализирана, а напаѓачите не беа идентификувани. На социјалните мрежи кружат снимки од нападот врз резиденцијата на претседателот.
Премиерот на Хаити, Клод Џозеф изјави дека резиденцијата на претседателот била нападната од вооружена група луѓе околу еден часот по полноќ по локално време.
Се тврди дека станува збор за агенти на Агенцијата за борба против дрога (ДЕА) за време на рацијата во неговиот дом. Медиумите пишуваат дека станува збор за група странци кои зборуваат англиски и шпански.
На социјалните мрежи се појавија снимки од споменатата вооружена група. Целата сцена пред резиденцијата на претседателот ја снимил сведок.
#Haiti President Jovenel Moïse is said to have been attacked in his residence by a commando. He’s dead.
Video circulating on WhatsApp. pic.twitter.com/VJ8HJZSii8— Marie-Rose Romain Mu (@romainmurphy) July 7, 2021
На видеото се гледа како некој вика со американски акцент: „Операција на ДЕА. Сите повлечете се. Операција на ДЕА. Сите назад, повлечете се“.
-Напаѓачите се преправаа дека се од ДЕА и тие беа платеници, изјави за Мајами Херолд владин извор.
Жителите од областа тврдат дека виделе луѓе облечени во црно како минуваат низ населбата.
Натамошните снимки од местото на настанот покажуваат вооружени мажи со пушки кои пристигнуваат пред резиденцијата на претседателот. Не е јасно дали станува збор за убијците или безбедносните сили на земјата.
View this post on Instagram