Следната недела се одржува годишниот настан на Apple на кој ќе бидат претставени новиот модел на iPhone 16, новите AirPods слушалки, неколку нови модели на Apple Watch и евентуално некои други новитети.
Но, тоа значи и дека некои стари производи ќе бидат повлечени од продажба, а еве кои производи веројатно повеќе нема да бидат достапни во продавниците на Apple.
iPhone 15 Pro и iPhone 15 Pro Max
Од претставувањето на iPhone XS и XR во 2018 година, Apple ги повлекува водечките модели на iPhone само една година по нивното лансирање, можеби затоа што се премногу слични со новите модели, пишува 9to5 Mac. Нема индикации дека оваа практика ќе се промени.
iPhone 14 Plus
Подостапен од водечкиот модел, iPhone 14 Plus имаше ист екран и батерија како и моделите Pro Max, но беше поевтин. Apple го прекина iPhone 13 mini минатиот септември, додека продолжи да го продава iPhone 13, па можно е и оваа година да го направат истото, односно да го укинат iPhone 14 Plus и ќе го остават iPhone 14.
iPhone 13
Стар три години, ова е најстариот iPhone што се уште се продава на веб-страницата на Apple, така што најверојатно ќе биде пензиониран, а iPhone 14 најверојатно ќе го заземе местото како најстар модел, барем додека iPhone SE 4 не биде пуштен во продажба.
Apple Watch Series 9, Ultra 2 и SE 2
Сите три модели на Apple Watch се очекува да се освежат следната недела. Серијата 10 треба да доаѓа со поголеми и поефикасни екрани, потенко тело и потенцијално нов чипсет. Ultra 3 исто така може да добие мала надградба оваа година, а SE 3 се шпекулира дека има ново пластично тело.
Доколку сите модели на Apple Watch добијат нови верзии, Apple најверојатно ќе престане да ги продава сегашните часовници од серијата 9, Ultra 2 и SE 2.
AirPods 2 и AirPods 3
Apple ги продава AirPods 2 од 2019 година како достапен модел на почетно ниво со основни карактеристики, и иако AirPods 3 беа претставени во 2021 година, Apple ги задржа AirPods 2 во линијата. Но, тоа наскоро би можело да се промени.
Следната недела очекуваме две нови верзии на AirPods 4: основниот модел да ги замени AirPods 2 и моделот од средна класа да ги замени AirPods 3. Бидејќи тие воведуваат два нови модели на слушалки, Apple најверојатно ќе ги повлече AirPods 2 и AirPods 3 од продажба.
iPad mini 6 и iPad 10
Следната недела би требало да има новости за двата најприфатливи iPad, iPad mini 6 и iPad 10. Можно е Apple да го задржи iPad 10 и да го продаva по пониска цена откако ќе го претстави iPad 11, но iPad mini 6 најверојатно ќе бидат повлечени од продажба. Новиот модел треба да вклучува поддршка за Apple Intelligence, повеќе меморија и потенцијална поддршка за Apple Pencil Pro.