Палестинскиот фудбалер Ахмад Абу ал Ата и неговото семејство загинаа во израелски воздушен напад врз нивната куќа во градот Газа, соопшти денеска Палестинскиот фудбалски сојуз (ПФА).
Во соопштението се вели дека Абу ал Ата (34), кој играше како дефанзивец за тимот на Ал-Ахли Газа, е убиен заедно со неговата сопруга Руба Есмаел Абу ал-Ата и нивните две деца, објави Ројтерс.
Локалните медиуми соопштија дека израелскиот воздушен напад бил извршен во петокот, но од ПФА не прецизираа датум.
Palestinian footballer Ahmed Abul Ata lost his life in a bomb attack carried out by Israel on his homes today. pic.twitter.com/iROLsa3ZEV
— Khalissee (@Kahlissee) June 22, 2024
ПФА минатиот понеделник објави дека меѓународниот фудбалски судија Хани Месмех починал откако бил ранет во израелски воздушен напад во Појасот Газа во мај.
Повеќе од 300 спортисти, судии и спортски функционери се убиени во Појасот Газа од почетокот на конфликтот меѓу Израел и Хамас во октомври минатата година, изјави претседателот на Палестинскиот олимписки комитет Џибрил Раџуб претходно овој месец.