Папата Франциск упати апел до светските лидери дипломатски да го решат конфликтот во Украина

Папата Франциск денеска повторно ги повика светските лидери да бараат дипломатско решение за ставање крај на конфликтот во Украина.

„Додека беснее лудилото на уништувањето и смртта и се разгорува конфликтот, поттикнувајќи сè поопасна ескалација за сите, го повторувам мојот апел до лидерите на народите: Ве молим, не го водете човештвото во пропаст!“, порача папата, пренесува Си-Ен-Ен.

Папата Франциск повика на вистински преговори, конкретни разговори за прекин на огнот и одржливо решение.