Папата Франциск ја изрази својата солидарност со народот на Шри Ланка, кој со месеци е погоден од голема политичка и економска криза, која, меѓу другото, доведе до недостиг на храна и лекови.
„Се приклучувам на болката на народот на Шри Ланка, кој и понатаму страда од последиците на политичката и економската нестабилност“, рече папата по неделната молитва.
„Заедно со свештениците на земјата го повторувам повикот за мир и барам од надлежните да не го игнорираат плачот на сиромашните и потребите на луѓето“, рече папата.
Протестното движење против економската криза, најлошо откако земјата со 22 милиони жители стекна независност во 1948 година, трае со месеци во Шри Ланка, каде претседателот Готабаја Рајапакса вети дека ќе поднесе оставка во саботата, откако незадоволни граѓани упаднаа во неговата резиденција.