Семејството Волтон, најпознато по создавањето на мултинационалниот синџир на намирници Walmart, е најбогато на планетата, со рекордна нето вредност од 432,4 милијарди долари, објави Bloomberg во четвртокот.
Од минатата година, Волтонови додадоа огромни 172,7 милијарди долари на своето богатство, делумно благодарение на растот на акциите на компанијата за 80 отсто во текот на годината. Ова им овозможи да го надминат кралското семејство од Емиратите за првото место во годишното рангирање на Блумберг.
Нивната инспиративна приказна започна пред 62 години кога беше отворена првата вистинска продавница на Walmart и оттогаш таа прерасна во најголемиот трговски синџир во светот според приходите, забележува Bloomberg. Сега со 10.600 локации ширум светот, синџирот носи околу 648 милијарди долари годишно. Но, денес Walmart е одговорен за само 70 отсто од семејното богатство. Членовите на ова семејство ги проширија своите инвестиции и во други области на интерес, како што се спортот, уметноста и филантропијата.
„Кога им овозможувате на поединците да ги следат и поддржуваат нивните интереси, повратот на инвестицијата не е само финансиски“, изјави за Bloomberg, Никол Клабо, потпретседател за прашања на клиентите во финансискиот консултант Aquilance. „Тоа исто така им дава чувство на сопственост во зачувувањето на богатството“.
Следни на листата на Bloomberg се неколку кланови од Блискиот Исток: на второ место е семејството Ал Нахјан од Обединетите Арапски Емирати со 323,9 милијарди долари, додека на третото место е катарското семејство Ал Тани со 172,9 милијарди долари. Двете семејства контролираат области кои стануваат сè поважни на глобалната сцена, а чија моќ порасна поради резервите на нафта што се наоѓаат таму.
По нив е семејството Хермес, кое контролира околу 170,6 милијарди долари. Сега во својата шеста генерација, семејството е главен играч во индустријата за луксузни стоки, со својот истоимен бренд одговорен за продажба на чанти кои достигнуваат цена од стотици илјади долари на аукција, според Блумберг. Иако голем дел од луксузниот пазар се сопна во последниве години, Хермес сè уште е силен, соборувајќи ги надолните трендови со кои се соочија другите групи во истата индустрија.
А првите пет ги заокружува семејството Кох со 148,5 милијарди долари. Нивниот конгломерат со седиште во Канзас, контролиран од Чарлс и Дејвид Кох, има годишен приход од околу 125 милијарди долари, пишува Блумберг. И надвор од индустријата, семејството Кох стана неверојатно моќно во американската политика, поддржувајќи супер PAC и трки главно во корист на републиканските кандидати.
Еве ја листата на 25 најбогати семејства во светот за 2024 година:
Волтон, 432,4 милијарди долари
Ал Нахајан, 323,9 милијарди долари
Ал Тани, 172,9 милијарди долари
Хермес, 170,6 милијарди долари
Кох, 148,5 милијарди долари
Ал Сауд, 140 милијарди долари
Марс, 133,8 милијарди долари
Амбани, 99,6 милијарди долари
Вертхајмер, 88 милијарди долари
Томсон, 87,1 милијарди долари
Џонсон, 72,4 милијарди долари
Албрехт, 60,2 милијарди долари
Прицкер, 59,4 милијарди долари
Каргил/МекМилан, 56 милијарди долари
Офер, 55,6 милијарди долари
Хофман/Оери, 53,8 милијарди долари
Хартоно, 47 милијарди долари
Куандт, 46 милијарди долари
Шерванонт, 44,1 милијарди долари
Данкан, 43,8 милијарди долари
Ван Дам/Де Споелберх/Де Мевиус, 43,7 милијарди долари
Бохрингер/Фон Баумах, 43 милијарди долари
Мистри, 41,4 милијарди долари
Њухаус, 38,8 милијарди долари
Фереро, 37,4 милијарди долари